Փաշինյանը Կարապետյանից 6 մլն. դրամ ու հերքում է պահանջում՝ «սնկերի պատմության համար»

Վարչապետ Նիկոլ Փաշինյանը դատական հայց է ներկայացրել ընդդեմ «Ուժեղ Հայաստան» կուսակցության առաջնորդ Սամվել Կարապետյանի։ Պահանջում է հերքել հայտարարությունը, որ ինքը Չինաստանից հալյուցինոգեն սնկեր է բերել և հօգուտ իրեն Կարապետյանից բռնագանձել 6 միլիոն դրամ։Այս մասին տեղեկանում ենք «Դատալեքս» տեղեկատվական համակարգից։

Հիշեցնենք՝ «Ուժեղ Հայաստան» դաշինքի վարչապետի թեկնածու Սամվել Կարապետյանը ասել էր, թե անցյալ տարի, երբ վարչապետ Փաշինյանը գնացել էր Չինաստան, այնտեղ հատուկ ռեստորաններում փորձել է մարդկանց մոտ հալյուցինացիաներ առաջացնող սնկեր։ Կարապետյանն ասել էր, թե իր ինֆորմացիայով՝ «դուրը եկել էր» և մոտավորապես 1 տոննա հետը բերել է Հայաստան»։

Նշենք, որ դատավորն արդեն գործն ընդունել է վարույթ։

Վարչապետ Նիկոլ Փաշինյանը ավելի վաղ հայտարարել էր, որ պատրաստվում է դատի տալ Սամվել Կարապետյանին այդ հայտարարության համար։