ԱՄՆ-ի ու Չինաստանի ազդակաները. համագործակցությո՞ւն, թե ժամանակավոր համաձայնություն

Չինաստանի առաջնորդ Սի Ցզինպինը և Թրամփը դեմ առ դեմ հանդիպում են անցկացրել Պեկինի կենտրոնում գտնվող Չժուննանհայ նստավայրում։ Թրամփը հայտարարել է, որ ԱՄՆ-ը Չինաստանի հետ կնքել է «ֆանտաստիկ առևտրային համաձայնագրեր»։
 
ԱՄՆ նախագահը Չինաստանի նախագահին անվանել է իր ընկեր՝ նշելով, որ արդեն գրեթե 12 տարի է՝ ճանաչում են միմյանց, և ինքը «մեծ հարգանք» ունի Չինաստանի առաջնորդի նկատմամբ։
 
Առաջնորդները քննարկել են Իրանի շուրջ իրավիճակը։ Թրամփը հայտարարել է, որ ԱՄՆ-ն ու Չինաստանը «շատ նման տեսակետներ» ունեն տեղի ունեցողի վերաբերյալ, և երկու կողմերն էլ շահագրգռված են ծովային նեղուցների բաց լինելու և նավթի մատակարարումների կայունության շուրջ:
 
Չինաստանի ԱԳՆ-ն կոչ է արել ԱՄՆ-ին և Իրանին հնարավորինս արագ անցնել դիվանագիտական ճանապարհի և կարգավորել հակամարտությունը։
 
Պեկինում կարծում են, որ հանդիպումը խթանել է ԱՄՆ-ի և Չինաստանի համագործակցությունը և «նպաստել համաշխարհային կայունությանը»։