09:00 Լուրերը մեկ տողով. Գյումրիում զանգվածային թունավորում. ինչ վիճակում են 15 սաները. բլոգերը մեկ ամսով կալանավորվել է

 Անցած ժամվա լուրերը՝ հակիրճ և բովանդակային.

•Գյումրիում սուր աղիքային վարակի դեպքեր են արձանագրվել, հոսպիտալացված 15 սաների վիճակը կայուն է, իսկ ջրի հետազոտությամբ շեղումներ չեն հայտնաբերվել:

•Համացանցում ատելություն և թշնամանք հրահրելու մեջ մեղադրվող բլոգերը դատարանի որոշմամբ մեկ ամսով կալանավորվել է:

•Իրավապահները Մերձավանից հեռացրել են համայնքապետի սպանության մեջ մեղադրվողի ընտանիքին՝ հնարավոր վենդետան և բնակիչների բողոքը կանխելու համար:

•Դոնալդ Թրամփը հայտնել է, որ Չինաստանը պատրաստակամ է դիտարկել ամերիկյան նավթի գնման հնարավորությունը՝ փոխարինելով իրանական մատակարարումները:

•Կրեմլի ներկայացուցիչը հայտարարել է, որ Կիևի գործողությունները կարող են հանգեցնել եվրոպական պետությունների կառավարությունների հերթական հրաժարականներին:

•Կիևի բնակելի շենքին հասցված հարվածի հետևանքով զոհերի թիվը հասել է 24-ի, որոնց թվում կան երեք երեխաներ:

•Ռյազանում անօդաչու թռչող սարքի հարձակման հետևանքով երեք մարդ է զոհվել, տասներկուսը վիրավորվել են, իրականացվում է բնակիչների տարհանում:

•Սարգիս Ստեփանյանը Բուդապեշտում անցկացվող պարաբազկամարտի Եվրոպայի առաջնությունում նվաճել է ոսկե մեդալ և դարձել վեցակի չեմպիոն:

•Հայաստանի ողջ տարածքում և Երևանում սպասվում են տեղումներ ու ջերմաստիճանի նվազում, որին կհաջորդի աստիճանական տաքացում: