Զելենսկու գրասենյակի նախկին ղեկավարին կալանավորեցին

Ուկրաինայի Բարձրագույն հակակոռուպցիոն դատարանը նախագահի գրասենյակի նախկին ղեկավար Անդրեյ Երմակի նկատմամբ երկուամսյա կալանք է սահմանել՝ Կիևի մերձակայքում էլիտար բնակարանաշինության միջոցով փողերի լվացման գործով։ Նրա համար սահմանվել է նաև 140 միլիոն գրիվնա (մոտ 3,2 միլիոն դոլար) գրավ։ Գրավը վճարելու դեպքում Երմակին պարտավորեցրել են չլքել Կիևը, հանձնել արտասահմանյան անձնագրերը և զերծ մնալ այս գործով անցնող մի շարք անձանց, այդ թվում՝ Տիմուր Մինդիչի, նախկին փոխվարչապետ Ալեքսեյ Չեռնիշովի և գուշակ Վերոնիկա Անիկեևայի հետ շփումներից։

Դատարանը որպես խափանման միջոց ընտրել է 60 օրով կալանքի տակ պահելը։ 

Հիշեցնենք՝ Երմակին պաշտոնապես մեղադրանք էր առաջադրվել կոռուպցիայի գործով։ Երմակը հրաժարվել է մեկնաբանել կոռուպցիոն մեղադրանքները։