Ռուսական կողմը շարունակում է հարվածներ հասցրել Ուկրաինային. պայթյուններ են որոտացել

Ռուսական կողմը շարունակում է հարվածներ հասցրել Ուկրաինայի մի քանի քաղաքների՝ օգտագործելով հրթիռներ և անօդաչու թռչող սարքեր:

Քաղաքում պայթյուններ են լսվել։ Հաղորդվում է՝ նախնական տվյալներով՝ կան զոհեր և վիրավորներ։

Ավելի վաղ Ուկրաինայի հետախուզությունը նախազգուշացրել էր, որ ռուսական զինվորականները, հավանաբար, ծրագրում են համակցված հարձակում և կարող են լայնածավալ հրթիռային հարված հասցնել։ Գլխավոր հետախուզական վարչությունը հայտարարել էր, որ հարձակման առաջին ալիքի ընթացքում ռուսական զորքերը պետք է կիրառեն «զգալի քանակությամբ հարվածային անօդաչու սարքեր՝ Ուկրաինայի հակաօդային պաշտպանության համակարգը ծանրաբեռնելու և քաղաքացիական օբյեկտները ոչնչացնելու համար»։ Իսկ երկրորդ ալիքի ընթացքում կարող են օգտագործվել «մեծ քանակությամբ օդային և ծովային տեղակայման թևավոր հրթիռներ, ինչպես նաև բալիստիկ հրթիռներ»։ Հետախուզության տվյալներով՝ թիրախ պետք է դառնային խոշոր քաղաքների կենսական ենթակառուցվածքները, այդ թվում՝ էներգետիկան, ռազմարդյունաբերական համալիրի ձեռնարկությունները և պետական իշխանության մարմինների շենքերը։