Կքննարկվի մինչև 16 տարեկանների մուտքը սոցցանցեր սահմանափակելու հարցը

Մայիսի 15-ին՝ ժամը 16:00-ին, կկայանա ՀՀ կրթության, գիտության, մշակույթի և սպորտի նախարարին կից հասարակական խորհրդի հերթական նիստը:

ԿԳՄՍ նախարարությունից հայտնում են, որ նիստի օրակարգում ընդգրկված է մեկ հարց։ Այն վերաբերում է մինչև 16 տարեկան երեխաների՝ սոցիալական ցանցերից օգտվելու սահմանափակման նախագծի ներկայացմանը:

Միջոցառումը բացման խոսքով կսկսի ԿԳՄՍ նախարար Ժաննա Անդրեասյանը: Օրակարգային հարցի վերաբերյալ զեկույցով հանդես կգա նախարարի տեղակալ Արաքսիա Սվաջյանը: