Ինքնաթիռը տարհանվել է Wi-Fi ցանցի անվանման պատճառով

Մալագայից Ամստերդամ թռչող KLM ավիաընկերության օդանավը տարհանվել է Wi-Fi ցանցի անվանման մեջ «ռումբ» բառի հայտնաբերումից հետո։

Թռիչքին պատրաստվող ինքնաթիռում ուղևորներից մեկը նկատել է կասկածելի Wi-Fi ցանց, որը կրել է «Ալլահու Ակբար (ռումբ օդանավում)» անվանումը։ Անձնակազմը կատարվածի մասին զեկուցել է օդանավակայանի համապատասխան ծառայություններին, ինչից հետո օդանավը վերադարձվել է նստեցման ելքի մոտ։

Իականացված տարհանումից հետո ուղեբեռն ու ձեռքի իրերը ենթարկվել են կրկնակի զննության՝ պայթուցիկ նյութեր հայտնաբերելու նպատակով, սակայն որևէ վտանգավոր առարկա չի գտնվել։ «Լայնածավալ գործողության» պատճառով չվերթը մեկնարկել է չորս ժամ ուշացումով։ Քանի որ միջադեպը տեղի չի ունեցել ավիաընկերության մեղքով, ուղևորներին փոխհատուցում չի տրամադրվել։ Ըստ լրատվամիջոցների՝ կասկածելի ցանցը ստեղծողի ինքնությունը դեռ պարզված չէ, և ենթադրվում է, որ սպառնալիքն անհաջող կատակ է եղել։