Թրամփին առաջարկում են վերադարձնել հայ գերիներին ու հանել Բաքվի դեմ պատժամիջոցները

Atlantic Council-ի փորձագետները ԱՄՆ նախագահ Դոնալդ Թրամփի վարչակազմին առաջարկում են չեղարկել Բաքվի դեմ պատժամիջոցները՝ հայ գերիների դիմաց: Ամերիկացի փորձագետները նշում են` Հարավային Կովկասում Ադրբեջանի հետ նմանատիպ գործարքը կբերեր զգալի շահույթ՝ շատ ավելի փոքր ռիսկերի պարագայում: 

«Այս «մեծ գործարքը» իրականացնելու համար Թրամփի վարչակազմը Կոնգրեսի հետ համատեղ պետք է առաջարկի վերացնել Բաքվին զենքի վաճառքի արգելքը՝ դրա դիմաց ստանալով ադրբեջանական բանտերում անարդարացիորեն պահվող անձանց ազատ արձակումը», - նշել են փորձագետները: 

Atlantic Council-ի ծրագիրը Բաքվին առաջարկում է Հայաստանի ընտրություններին ընդառաջ՝ հունիսին, որպես «բարի կամքի» ժեստ ազատ արձակել 2023 թվականին Ղարաբաղում գերեվարված հայերի մի մասին։

Որից հետո Վաշինգտոնն ու Բաքուն կհամաձայնեցնեն 907-րդ բաժնի` զենքի վաճառքի արգելքի չեղարկումը։