Ռուսաստանցիները շարունակում են գալ Հայաստան. ցուցանիշներ

2026 թվականին Ռուսաստանը պահպանել է առաջատար դիրքը Հայաստան այցելող զբոսաշրջիկների թվով: Տարվա առաջին չորս ամիսներին Հայաստան է այցելել 245 178 ռուսաստանցի, ինչը կազմել է զբոսաշրջիկների ընդհանուր թվի 36 տոկոսը։ Այդ մասին տեղեկանում ենք վիճակագրական տվյալներից:

Ընդհանուր առմամբ, այս ժամանակահատվածում երկիր է այցելել 625 843 զբոսաշրջիկ՝ 119 հազարով ավելի, քան 2025 թվականի նույն ժամանակահատվածում:

Առաջատար եռյակում են նաև Վրաստանը՝ 93 123 զբոսաշրջիկ (14%) և Իրանը՝ 48 450 քաղաքացի (7%)։

Առաջին հնգյակում ընդգրկվել են նաև Ուկրաինան (9 229 մարդ, 1,35%) և Գերմանիան (9 012 մարդ, 1,31%)։

Զբոսաշրջիկների հիմնական մասը (57%) ժամանել է օդային ճանապարհով՝ «Զվարթնոց» միջազգային օդանավակայանի միջոցով։ Ցամաքային անցակետերից ամենամեծ ուղևորահոսքը գրանցվել է «Բագրատաշեն» անցակետում (16%), իսկ ամենափոքրը՝ «Այրում» անցակետով (1%):

Այցելուների ամենաակտիվ խումբը 35–44 տարեկաններն են։ Ամենափոքրը բաժին է ընկնում 13–17 տարեկան դեռահասներին և 65 տարեկանից բարձր քաղաքացիներին։