Պուտինը սպառնում է․ միջուկային զենքեր գործի կդրվեն

Ռուսաստանի նախագահ Վլադիմիր Պուտինը տեղեկացրել է սպառազինության բնագավառում տեղի ունեցած վերջին զարգացումների մասին: 

Ըստ Ռուսաստանի Դաշնության նախագահի՝ «Օրեշնիկ» նորագույն հրթիռային համալիրն արդեն իսկ ընդգրկվել է մարտական հերթապահության մեջ: Հաղորդվում է, որ նշված զինատեսակն ունի տեխնիկական հնարավորություն համալրվելու միջուկային մարտագլխիկներով, ինչն էլ ընդգծում է դրա ռազմավարական դերը:

Ռուսական կողմը նաև շեշտում է այլ գերժամանակակից նախագծերի առաջխաղացումը: Մասնավորապես, նշվել են «Բուրեվեստնիկ» թևավոր հրթիռներն ու «Պոսեյդոն» ստորջրյա համակարգերը: Այս սպառազինությունները դիտարկվում են որպես Ռուսաստանի ռազմական ներուժի հիմնական տարրեր և ներկայում գտնվում են փորձարկումների կամ ներդրման տարբեր փուլերում:

Զուգահեռաբար անդրադարձ է կատարվել «Սարմատ» հրթիռային համալիրին, որը, Կրեմլի տվյալներով, դասվում է աշխարհի ամենահզոր զինատեսակների շարքին: Նման հայտարարություններով Ռուսաստանի ղեկավարությունը վերահաստատում է սպառազինությունների արդիականացման գերակայությունը և իր ռազմավարական զսպման հնարավորությունները ներկա աշխարհաքաղաքական իրավիճակում: