9-րդ դասարանցին կրակ է բացել Կրասնոդարի դպրոցում

Կրասնոդարի երկրամասի Գուլկևիչսկի շրջանում իններորդ դասարանի աշակերտը պնևմատիկ զենք է տարել դպրոց և կրակ բացել, ինչի հետևանքով երկու աշակերտ է տուժել։ Այս մասին Telegram-ի իր ալիքում հայտնել է Կրասնոդարի երկրամասի նահանգապետ Վենիամին Կոնդրատևը։

«Երեխաներին հիվանդանոցում օպերատիվ կերպով ցուցաբերվում է ամբողջ անհրաժեշտ բժշկական օգնությունը։ Այս պահին բժիշկները տուժածների վիճակը գնահատում են բավարար»,- նշել է նա։

Դեպքի առթիվ ստուգումներ է անցկացնում նաև Գուլկևիչսկի շրջանի դատախազությունը։