Հանտավիրուսի դեմ արդյունավետ բուժում դեռ չկա․ EMA-ի հայտարարությունը

Հանտավիրուսի դեմ այս պահին հաստատված մասնագիտացված դեղամիջոցներ կամ պատվաստանյութեր չկան։

Եվրոպական միության դեղամիջոցների գործակալությունը (EMA) հայտնել է, որ հանտավիրուսով վարակված անձանց բուժումը սահմանափակվում է միայն օժանդակ թերապիայով։ Հատուկ հակավիրուսային միջոցների բացակայության պայմաններում վճռորոշ է հիվանդներին ժամանակին վերակենդանացման բաժանմունքներ տեղափոխելը, որտեղ հնարավոր է ապահովել պատշաճ բժշկական օգնություն։

Կարգավորող մարմնից նշել են, որ պատրաստ են աջակցել վարակի դեմ պատվաստանյութերի ու նոր դեղերի ստեղծմանը։ Գործակալությունը մշտադիտարկում է իրավիճակը և խրախուսում գիտական այն հետազոտությունները, որոնք կարող են նպաստել հիվանդության կանխարգելման արդյունավետ մեթոդների հայտնաբերմանը։

Միաժամանակ, ԵՄ կառույցը հերքել է համանցանցում շրջանառվող տեղեկություններն այն մասին, թե հանտավիրուսը կապ ունի կորոնավիրուսի դեմ պատվաստանյութերի հետ։ Այդ պնդումները բնորոշվել են որպես գիտական հիմնավորում չունեցող ապատեղեկատվություն։ Մասնագետները հորդորում են վստահել բացառապես պաշտոնական և ստուգված տվյալներին։