17:00 Լուրերը մեկ տողով. Դասերից փախած աշակերտներն ու Փաշինյանի կատակը, ԱՄՆ դեսպանը բացեց փակագծերը

Անցած ժամվա լուրերը՝ հակիրճ և բովանդակային.

• Նիկոլ Փաշինյանի քարոզարշավը ուղեկցվել է սուր քննարկումներով․ քաղաքացիներից մեկը նրան մեղադրել է Արցախի կորստի և զոհերի համար, իսկ վարչապետը պատասխանել է, որ այդ ամենի արդյունքում Հայաստանը ստացել է անկախություն ու ժողովրդավարություն։ Ավելի ուշ նա նաև կատակել է իրեն հանդիպելու համար դասերից շտապած աշակերտների հետ։

• Վարչապետի թեկնածու Գուրգեն Սիմոնյանը հայտարարել է, որ հասարակության հիմնական դժգոհությունները կապված են արդարության պակասի, սոցիալական խնդիրների և տնտեսական անկման հետ։ Նրա խոսքով՝ վերջին տարիներին քաղաքացիների սպասումները չեն արդարացվել։

• Դիլիջանի Շամախյան թաղամասի բնակիչները դժգոհել են ճանապարհի և գազի խնդիրներից՝ նշելով, որ բազմաթիվ դիմումներից հետո էլ լուծում չեն ստացել։ Արման Թաթոյանն արձագանքել է, որ քարոզարշավի ընթացքում հաճախ է լսում նման հիասթափություններ քաղաքացիներից։

• ՄԻՊ Անահիտ Մանասյանը հայտարարել է, որ Ադրբեջանի կողմից պահվող բոլոր հայ գերիները պետք է անհապաղ ազատ արձակվեն։ Նրա խոսքով՝ այդ հարցը տարիներ շարունակ բարձրացվել է միջազգային հարթակներում։

• Իրանի նախագահ Մասուդ Փեզեշքիանը չի բացառել ԱՄՆ-ի հետ բանակցությունների հնարավորությունը՝ շեշտելով փոխադարձ հարգանքի կարևորությունը։ Միաժամանակ Թեհրանը ցանկանում է դիվանագիտական հարթակում ամրագրել իր ռազմական ձեռքբերումները։

• ԱՄՆ դեսպան Մայք Հակաբին հաստատել է, որ Իսրայելի «Երկաթե գմբեթ» համակարգերը փոխանցվել են ԱՄԷ-ին։ Նա նշել է, որ տարածաշրջանի երկրները ստիպված են ընտրություն կատարել Իրանի սպառնալիքի և Իսրայելի հետ համագործակցության միջև։

• Գերմանիայում 2028-ից ուժի մեջ կմտնի «շաքարի տուրքը», որը պետբյուջեին տարեկան հարյուրավոր միլիոններ կբերի։ Նախաձեռնությունը քննարկումների ալիք է բարձրացրել՝ կապված սննդակարգի վերահսկման և գների հնարավոր աճի հետ։