14:00 Լուրերը մեկ տողով. Պաշտոնական տվյալներ՝ հանտավիրուսի հետ կապված. Սպերցյանը մեջքի վնասվածք է ստացել

Անցած ժամվա լուրերը՝ հակիրճ և բովանդակային.

•Հայաստանի արտաքին գործերի նախարարը պարզաբանել է վարչապետի հետ աշխատանքային քննարկումների գաղտնիության կարևորությունը։

•Վարչապետը հայտնել է Թուրքիայի օրենսդրական փոփոխության մասին, որով Հայաստանը պաշտոնապես ներառվում է առաքման երկրների ցանկում։

•Մենք Ռուսաստանի Դաշնության հետ «ապահարզանի» նպատակ չունենք, երեխեքին էլ չենք կիսում. Ազգային Ժողովի նախագահ Ալեն Սիմոնյան: 

•«Միասնության թևեր» դաշինքի ներկայացուցիչ Դավիթ Անանյանը հերքել է իրենց կապը նախկին իշխող կուսակցության հետ։

•Արամ Սարգսյանը քննադատել է Ռոբերտ Քոչարյանի՝ Արցախ վերադառնալու վերաբերյալ նախընտրական հայտարարությունները։

•«Ուժեղ Հայաստան» կուսակցությունը Տավուշի մարզում ներկայացրել է գյուղատնտեսական մթերման կայանների ստեղծման իր ծրագիրը։

•Իրանի խորհրդարանում քննարկվում է ուրանի հարստացման մակարդակը 90 տոկոսի հասցնելու հնարավորությունը՝ որպես պատասխան քայլ։

•ԱՄՆ-ն և Դանիան բանակցում են Գրենլանդիայում նոր ամերիկյան ռազմակայանների հիմնման և ջրային տարածքների վերահսկողության շուրջ։

•Առողջապահության համաշխարհային կազմակերպությունը հանտավիրուսի համավարակային բռնկման վտանգ այս պահին չի տեսնում։

•Ֆուտբոլիստ Էդուարդ Սպերցյանը մեջքի վնասվածք է ստացել Ռուսաստանի առաջնության հերթական տուրի խաղում։