Թրամփն արձագանքել է Իրանի առաջարկին. լիովին անընդունելի է

ԱՄՆ նախագահ Դոնալդ Թրամփը Truth Social սոցիալական հարթակում գրառում է կատարել՝ նշելով, որ ծանոթացել է Իրանի այսպես կոչված «ներկայացուցիչների» արձագանքին։ 

«Այն ինձ դուր չի գալիս, լիովին անընդունելի է»,- նշել է Թրամփը։

ԻՍՆԱ գործակալության փոխանցմամբ՝ ամերիկյան կողմի ուղերձին Իրանի պատասխանը հիմնականում վերաբերել է պատերազմի դադարեցմանը, ինչպես նաև Հորմուզի նեղուցում ու Պարսից ծոցում նավագնացության անվտանգության խնդիրներին։

Հիշեցնենք, որ փետրվարի 28-ից ԱՄՆ-ն ու Իսրայելը սկսել էին հարվածներ հասցնել Իրանի տարածքում գտնվող թիրախներին, ինչի հետևանքով զոհվել է ավելի քան 3 հազար մարդ։ Ապրիլի 8-ին Վաշինգտոնն ու Թեհրանը հայտարարեցին հրադադարի մասին, սակայն դրան հաջորդած իսլամաբադյան բանակցություններն արդյունք չտվեցին։ Թեև ռազմական գործողությունների վերսկսման մասին տեղեկություններ չկան, ԱՄՆ-ն սկսել է իրանական նավահանգիստների շրջափակումը։