Դանիել Իոաննիսյանի սուր գրառումը Ռուսաստանի մասին

Ռուսաստանյան պետական հեռուստաալիքով հայտարարում են, որ Հայաստանում կեղծվելու են ընտրությունները ու կան քաղաքական բանտարկյալներ: Այս մասին ֆեյսբուքյան իր էջում գրել է «Իրազեկ քաղաքացիների միավորում» ՀԿ ղեկավար Դանիել Իոաննիսյանը:

«Պատկերացնու՞մ եք։ Մեզ ժողովրդավարություն է սովորեցնում Ռուսաստանը, որտեղ ընդդիմության ղեկավարներին սպանում են (փողոցում գնդակահարելով ու ՖՍԲ–ի կողմից թունավորելով), որտեղ Պուտնին կոռուպցիներ ասող գրառումը լայքելու կամ որևէ առիթով ցույցի դուրս գալու համար կարելի է բանտարկվել, որտեղ կա 1400 քաղբանտարկյալ և 5100 քաղաքական մոտիվացիայով բանտարկված մարդ, որտեղ արգելված են բոլոր սոցցանցերը։

Մեր ընտրությունները քննարկում է Ռուսաստանը, որտեղ ընտրությունները վաղուց դարձել են ֆորմալ–կազմակերպչական միջոցառում, որոնց մասնակցելուն թույլատրված թեկնածուներից և ոչ մեկը չի քննադատում Պուտինին, որտեղ, այդ ամենով հանդերձ, ընտրությունների թափանցիկությունը նվազում է, տեղամասերից տեսախցիկները հանվում են (որ լցոնումների կադրերը շատ չտարածվեն), իսկ բոլոր անկախ դիտորդները, որոնք չեն հասցրել երկրից փախնեն՝ նստած են»,- գրել է նա: