ԲՏԱ նախարարությունը կվերանվանվի և կստանա նոր գործառույթներ

Կառավարությունը նախաձեռնել է Բարձր տեխնոլոգիական արդյունաբերության նախարարության անվանափոխության գործընթացը՝ շրջանառության մեջ դնելով համապատասխան օրենսդրական նախագիծը։

«Կառավարության կառուցվածքի և գործունեության մասին» օրենքում առաջարկվող փոփոխությունների համաձայն՝ գերատեսչությունը կվերանվանվի Բարձր տեխնոլոգիական արդյունաբերության և արհեստական բանականության նախարարություն։ Ըստ ներկայացված հիմնավորումների՝ այս փոփոխությունը նպատակ ունի նախարարության անվանումը համապատասխանեցնել իրեն վերապահված նոր լիազորություններին։ Դրանք ներառում են արհեստական բանականության, ինչպես նաև ամպային հաշվողական ծառայությունների ներդրման ու զարգացման քաղաքականության մշակումն ու իրականացումը։

Բարձր տեխնոլոգիական արդյունաբերության նախարարություն, արհեստական բանականություն, կառավարության կառուցվածք, օրենքի նախագիծ