Վաղ թե ուշ մենք դրանք կստանանք. Դոնալդ Թրամփ

ԱՄՆ նախագահ Դոնալդ Թրամփը վստահություն է հայտնել, որ Միացյալ Նահանգները ժամանակի ընթացքում իր վերահսկողության տակ կվերցնի Իրանի հարստացված ուրանի պաշարները։

«Վաղ թե ուշ մենք դրանք կստանանք»,- ասել է ԱՄՆ նախագահ Դոնալդ Թրամփը:

Փետրվարի 28-ից սկսած ԱՄՆ-ն և Իսրայելը թիրախավորել են Իրանի տարածքում գտնվող օբյեկտները, ինչի հետևանքով զոհվել է ավելի քան 3 հազար մարդ։ Ապրիլի 8-ին Վաշինգտոնն ու Թեհրանը հայտարարեցին երկշաբաթյա հրադադարի մասին, սակայն դրան հաջորդած բանակցությունները Իսլամաբադում որևէ արդյունք չտվեցին։ Թեև ռազմական գործողությունների վերսկսման վերաբերյալ պաշտոնական տեղեկատվություն չկա, Միացյալ Նահանգները ձեռնամուխ է եղել իրանական նավահանգիստների շրջափակմանը։ Ներկայում միջնորդ կողմերը ջանքեր են գործադրում բանակցային նոր փուլ նախապատրաստելու ուղղությամբ։