ՏԵՍԱՆՅՈՒԹ. Եռագլուխը ինքն է, Ալիևը և Էրդողանը. Քոչարյան

Հաղթանակի օրվա առիթով ՀՀ երկրորդ նախագահ Ռոբերտ Քոչարյանը և «Հայաստան» դաշինքի անդամները հարգանքի տուրք են մատուցել «Եռաբլուր» պանթեոնում։

Մայիսի 9-ին «Հայաստան» դաշինքի առաջնորդ Ռոբերտ Քոչարյանը դաշինքի ներկայացուցիչների ուղեկցությամբ այցելել է «Եռաբլուր» զինվորական պանթեոն։ Նրանք ծաղիկներ են խոնարհել հայրենիքի համար կյանքը զոհաբերածների գերեզմաններին։

Լրագրողների հետ զրույցում երկրորդ նախագահը նշել է. «Ամենից լավ իրենց հիշատակը պահելը իրենց գործին հավատարիմ լինելն է։ Սա է, որ բացակայում է իշխանավորների մոտ, և սրա վերջը իսկապես, պետք է տալ»։

Անդրադառնալով Նիկոլ Փաշինյանի հայտարարությանը, որով ընդդիմությանն անվանել էր պատերազմի եռագլուխ կուսակցություն, Քոչարյանն արձագանքել է. «Մենք արդեն ասել ենք, որ եռագլուխը ինքն է, Ալիևը և Էրդողանը»։