Պետեր Մագյարը պաշտոնապես դարձավ Հունգարիայի վարչապետ

Հունգարիայի նորընտիր Պետական ժողովի առաջին նիստում «Տիսա» կուսակցության առաջնորդ Պետեր Մագյարն ընտրվել է երկրի վարչապետ։

Խորհրդարանում կայացած քվեարկության ժամանակ Մագյարի թեկնածությանը կողմ է արտահայտվել 140 պատգամավոր, դեմ են քվեարկել 54-ը, իսկ մեկը ձեռնպահ է մնացել։ Ազգային հեռուստաընկերության ուղիղ եթերում արդյունքների հրապարակումից հետո նա պաշտոնապես երդում է տվել և ստանձնել կառավարության ղեկավարի լիազորությունները։ Այս պաշտոնում նա փոխարինում է Վիկտոր Օրբանին։ 

Վերջինս իր «ՖԻԴԵՍ – Հունգարիայի քաղաքացիական միություն» կուսակցության հետ միասին 16 տարվա անընդմեջ կառավարումից հետո անցնում է ընդդիմադիր դաշտ։