Զինված հարձակում Գերմանիայում. բանկում պատանդներ կան, քաղաքը շրջափակված է

Գերմանիայի արևմտյան հատվածում գտնվող Ցինցիգ քաղաքի Volksbank բանկի մասնաճյուղում անհայտ անձինք պատանդներ են վերցրել։ Ոստիկանական ուժերը շրջափակման մեջ են վերցրել քաղաքի կենտրոնական հատվածը։ Իրականացվող լայնածավալ գործողություններին ներգրավված է նաև ուղղաթիռ։

Իրավապահների տեղեկացմամբ՝ դեպքի վերաբերյալ ահազանգը ստացվել է առավոտյան ժամը 9-ին։ Բանկի ներսում գտնվող անձանց հստակ թիվը դեռևս չի հաղորդվում, ինչպես նաև չի հստակեցվում վիրավորների առկայությունը։ Հայտնի է, որ գործում ներգրավված են մի քանի չարագործներ, իսկ պատանդների թվում է ինկասատորի մեքենայի վարորդը։ Ոստիկանության ներկայացուցչի փոխանցմամբ՝ «Այժմ իրավիճակը ստատիկ է»։