Վտանգավոր վիրուսի բռնկում ունեցող նավի ուղևորներին դեռ փնտրում են

Կալիֆոռնիայի իշխանությունները փնտրում են MV Hondius զբոսանավի ավելի քան երկու տասնյակ ուղևորների, որտեղ արձանագրվել է հանտավիրուսի բռնկում։ Նշված անձինք ափ են դուրս եկել և դեռևս չեն ներկայացել առողջապահական մարմիններին։ Այս տեղեկությունը, հղում անելով իր աղբյուրներին, տարածել է The New York Post-ը (NYP)։


Նահանգային իշխանությունների փոխանցմամբ՝ զբոսանավում եղել են Կալիֆոռնիայի բնակիչներ։ Այն ճամփորդները, որոնց տվյալներն արդեն հայտնի են, գտնվում են բժշկական վերահսկողության ներքո, և նրանց մոտ հիվանդության նշաններ չեն հայտնաբերվել։


MV Hondius լայների վրա գրանցվել է մահվան երեք դեպք․ մահացածները Գերմանիայի մեկ քաղաքացի են և ամուսնական զույգ՝ Նիդերլանդներից։ Կա վարկած, որ վերջիններս վարակվել են նախքան ուղևորությունը սկսելը։ Ընդհանուր առմամբ նավում գտնվել է 147 անձ, որոնցից 88-ը ուղևորներ են, իսկ 59-ը՝ անձնակազմի անդամներ։ Ըստ թարմ տվյալներիզբոսանավի վրա առկա է վարակման ութ դեպք։