Թրամփն Իրանին սպառնացել է նոր և ավելի դաժան հարվածներով

ԱՄՆ նախագահ Դոնալդ Թրամփը հայտարարել է Իրանին ավելի դաժան հարվածներ հասցնելու հնարավորության մասին, եթե Թեհրանը սեղմ ժամկետում համաձայնագիր չստորագրի Վաշինգտոնի հետ։

Truth Social սոցիալական հարթակում կատարած գրառման մեջ Միացյալ Նահանգների նախագահը նշել է. 

«Ապագայում մենք նրանց կհարվածենք շատ ավելի ուժգին և ավելի դաժանորեն, եթե նրանք արագ չստորագրեն համաձայնագիրը»,- ասել է ամերիկացի առաջնորդը։ 

Ավելի վաղ Թրամփը նշել էր, որ Վաշինգտոնի առաջադրած պայմաններին Թեհրանի համաձայնության պարագայում ԱՄՆ-ն կդադարեցնի «Էպիկական կատաղություն» գործողությունը։ Մայիսի 3-ին ամերիկյան կողմը Պակիստանի միջոցով փոխանցել է Իրանի 14 կետից բաղկացած առաջարկի պատասխանը։ Իրանի արտաքին գործերի նախարարության խոսնակ Իսմայիլ Բաղային տեղեկացրել է, որ Վաշինգտոնի առաջարկն այս պահին ուսումնասիրվում է, և վերջնական որոշում դեռ չկա։