Քաղաքականություն

Պուտինի շնորհավորական ուղերձը` Հայաստանին

Պուտինի շնորհավորական ուղերձը` Հայաստանին
Ռուսաստանի նախագահը Հայրենական մեծ պատերազմում տարած հաղթանակի 81-րդ տարեդարձի կապակցությամբ շնորհավորել է մի շարք պետությունների առաջնորդներին և ժողովուրդներին:Կրեմլի փոխանցմամբ՝ Վլադիմիր Պուտինը…

Ռուսաստանի նախագահը Հայրենական մեծ պատերազմում տարած հաղթանակի 81-րդ տարեդարձի կապակցությամբ շնորհավորել է մի շարք պետությունների առաջնորդներին և ժողովուրդներին:


Կրեմլի փոխանցմամբ՝ Վլադիմիր Պուտինը շնորհավորական ուղերձներ է հասցեագրել Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի և Հարավային Օսիայի ղեկավարներին: Ռուսաստանի առաջնորդը շնորհավորանքներ է հղել նաև Մոլդովայի և Վրաստանի ժողովուրդներին:


ՌԴ նախագահը շեշտել է, որ այս օրը հարգանքի ու երախտագիտության տուրք է մատուցվում հայրերին ու պապերին, ովքեր ռազմաճակատում և թիկունքում համատեղ ուժերով, բազում զրկանքների ու զոհողությունների գնով կերտել են նացիստական զավթիչների դեմ տարած երկար սպասված Հաղթանակը:


Օտարերկրյա պետությունների ղեկավարներին և քաղաքացիներին ուղղված ուղերձներում Ռուսաստանի նախագահը սրտանց շնորհավորել է Հայրենական մեծ պատերազմի վետերաններին ու թիկունքի աշխատավորներին՝ հայտնելով անկեղծ երախտագիտություն և մաղթելով նրանց քաջառողջություն, երկարակեցություն ու ոգու տոկունություն:


Վրաստանի և Մոլդովայի ժողովուրդներին ուղղված դիմումներում Պուտինը կոչ է արել վառ պահել պատերազմի դաժան տարիների հիշատակը և սերունդներին ավանդել ժողովուրդներին միավորող բարեկամության ու փոխօգնության բարի ավանդույթները:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250