Իրանցիները երբեք չեն խոնարհվում ճնշման առաջ. Արաղչի

Իրանի արտաքին գործերի նախարարը հայտարարել է, որ ԱՄՆ-ն դիվանագիտական լուծումների փոխարեն մշտապես նախապատվությունը տալիս է անխոհեմ ռազմական գործողություններին։

Իրանի արտաքին քաղաքական գերատեսչության ղեկավարի խոսքով՝ ամեն անգամ, երբ հնարավոր է լինում հասնել դիվանագիտական հանգուցալուծման, Միացյալ Նահանգներն ընտրում է ռազմական արկածախնդրության ճանապարհը։ Նախարարը հարցադրում է արել՝ արդյո՞ք սա ճնշում գործադրելու կոպիտ մարտավարություն է, թե՞ «սպոյլերի» գործողությունների հետևանք, որոնք ԱՄՆ նախագահին կրկին ներքաշում են հերթական ճահճի մեջ։

Իրանի ԱԳ նախարարը շեշտել է, որ անկախ պատճառներից, վերջնարդյունքն անփոփոխ է. «իրանցիները երբեք չեն խոնարհվում ճնշման առաջ»։