Արման Ծառուկյանը կարող է մենամարտել Սպիտակ տանը

UFC փրոմոուշենի ղեկավար Դանա Ուայթը հաստատել է, որ հայ-ռուսական մարտիկ Արման Ծառուկյանը կլինի պահեստային թեթև քաշային կարգում Իլիա Թոփուրիայի և Ջասթին Գեթջիի միջև կայանալիք տիտղոսի համար առաջիկա մենամարտում։

«Արմանը կլինի պահեստային Սպիտակ տանը կայանալիք մենամարտի համար։ Եթե այս մենամարտի հետ ինչ-որ բան պատահի, Արմանը գործի կանցնի ասպարեզ դուրս կգա։ Ամեն ինչ հենց այսպես ստացվեց»,- ասել է UFC-ի ղեկավարը լրագրող Նինա Դրամայի հետ զրույցում։

Հիշեցնենք, որ Թոփուրիայի և Գեթջիի միջև տիտղոսային մենամարտը կկայանա հունիսի 14-ին Սպիտակ տանը կայանալիք UFC մրցաշարում։ Իլիա Թոփուրիան խառը մենամարտերում իր կարիերայի ընթացքում տարել է 17 հաղթանակ և դեռ ոչ մի անգամ չի պարտվել մրցակիցներին։ Իսպանա-վրացական մարտիկի համար սա կլինի տիտղոսի առաջին պաշտպանությունը թեթև դիվիզիոնում։ Ամերիկացի Ջասթին Գեթջին MMA-ի կարիերայի ընթացքում տարել է 27 հաղթանակ և կրել հինգ պարտություն։