20:00 Լուրերը մեկ տողով. Քոչարյանը ինքնության պայքարի, Փաշինյանը՝ 10 միլիոն հայի մասին, ընտրապայքարը մտնում է թեժ փուլ

Անցած ժամվա լուրերը՝ հակիրճ և բովանդակային.

• Քարոզարշավի մեկնարկին քաղաքական ուժերը ներկայացրել են իրենց հիմնական ուղերձները․ Ռոբերտ Քոչարյանը խոսել է ինքնության և հասարակության պառակտման մասին, իսկ Արման Բաբաջանյանը՝ քաղաքական հասունության և գիտակցված ընտրության։ 

•  Նիկոլ Փաշինյանն էլ Սինգապուրի օրինակը բերելով խոսել է Հայաստանի զարգացման և բնակչության աճի հնարավորությունների մասին։

• Արփինե Հովհաննիսյանը զգուշացրել է, որ պաշտոն զբաղեցնող թեկնածուների քարոզչությունը կարող է բարդ իրավական խնդիրներ առաջացնել՝ հատկապես պաշտոնեական խոստումների մասով։ 

• ԿԸՀ-ն հայտնել է, որ ընտրություններին մասնակցող բոլոր 19 քաղաքական ուժերը բացել են նախընտրական հիմնադրամներ։

• Ռուսաստան-Հայաստան հարաբերությունների թեմայում քննարկվել է Մոսկվայի արձագանքը՝ կապված Երևանում Վլադիմիր Զելենսկու հնարավոր այցի հետ։ Դեսպան Գուրգեն Արսենյանը հաստատել է, որ ռուսական կողմի մտահոգությունները փոխանցվել են Երևանին։

• Հակակոռուպցիոն կոմիտեն ուսումնասիրում է դիմում՝ կապված Տիգրան Ավինյանի կողմից քաղաքացուն տեսախցիկ նվիրելու դեպքի հետ։ Քննարկումների կենտրոնում նախընտրական հնարավոր խախտումների և երկակի ստանդարտների հարցն է։

• Միջազգային լարվածության ֆոնին հաղորդվել է, որ Օմանի ծոցում ԱՄՆ հարվածից տուժել է իրանական նավ, կան վիրավորներ և անհետ կորածներ։

•  Ուկրաինայի նախագահ Վլադիմիր Զելենսկին հայտարարել է, որ Ռուսաստանի հետ իրավիճակը շարունակում է մնալ սրված։

• Հայաստանում առաջիկա օրերին սպասվում են կարճատև անձրևներ, ամպրոպ և տեղ-տեղ կարկուտ։ Օդի ջերմաստիճանը միաժամանակ աստիճանաբար կբարձրանա։