ՌԴ ԱԳՆ-ն Հայաստանի հասցեին մեղադրանքներ է հնչեցրել. հայտարարություն

Ռուսաստանի արտաքին գործերի նախարարությունը հայտարարել է, որ Վլադիմիր Զելենսկու ելույթի նկատմամբ Երևանի պաշտոնական արձագանքի բացակայությունը չի համապատասխանում երկու երկրների գործընկերային հարաբերություններին։

«Մոսկվան վերոնշյալ այցելուի անպատշաճ վարքագծի վերաբերյալ պաշտոնական Երևանի կողմից պատշաճ բացասական գնահատականի բացակայությունը համարում է անհամատեղելի ռուս-հայաստանյան հարաբերությունների գործընկերային բնույթի հետ», - նշված է նախարարության կայքում:

Հիշեցնենք, որ մայիսի 4-5-ը Հայաստանի մայրաքաղաքում տեղի են ունեցել Եվրոպական քաղաքական համայնքի գագաթնաժողովը և Հայաստան-ԵՄ անդրանիկ գագաթնաժողովը, որոնց մասնակցել է նաև Վլադիմիր Զելենսկին։ 

Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան, պատասխանելով «ՌԻԱ Նովոստիի» հարցին, նշել էր, որ Զելենսկու այցը Երևան ակնառու դարձրեց այն ապագան, որը Եվրոպական միությունը նախատեսում է հայ ժողովրդի համար։