ՏԵՍԱՆՅՈՒԹ. Սփյուռքում շատերը պատմական Հայաստանն են ուզում տեսնել. Արարատ Միրզոյան

«Երևանյան երկխոսություն» ֆորումի շրջանակում ՀՀ արտաքին գործերի նախարարը զուգահեռներ է անցկացրել սփյուռքի հայացքների և Հայաստանի ներկայիս իրականության միջև:


Նա նշել է, որ հայկական մեծ սփյուռքը կարևոր գործիք է, սակայն անհրաժեշտ է ընկալել, որ նրանք տարբեր պետությունների քաղաքացիներ են և կարող են ունենալ իրարից տարբերվող տեսակետներ։ Ըստ նախարարի՝ սփյուռքի զգալի մասը Հայոց ցեղասպանությունը վերապրածների ժառանգներն են, որոնցից շատերը ցանկանում են տեսնել ավելի մեծ, փառահեղ ու հարուստ անցյալ ունեցած Հայաստան։ Միրզոյանն ընդգծել է, որ այսօր դա երազանք է և չի հանդիսանում այն իրական Հայաստանը, որտեղ մենք ապրում ենք։



«Սփյուռքահայերից շատերը կարծում են, որ նրանք ուզում են տեսնել ավել մեծ Հայաստան, պատմական Հայաստան, մի Հայաստան, որը իր փառահեղ ու հարուստ անցյալն է ունեցել, բայց այսօր դա արդեն երազ է, դա իրական Հայաստանը չէ... Մենք ՀՀ-ում այսօր ապրում ենք այս կոնկրետ տարածաշրջանում, այս տարածաշրջանում ապրում ենք հստակ այս հարևանների հետ և չենք ուզում մեր հաջորդ տասնամյակը, հաջորդ մեկ դարը, հաջորդ հազարամյակն ապրել՝ կռվելով հարևանների հետ, ավելի մեծ թվով զոհեր տալով մարտադաշտում»,- ասաց Միրզոյանը: