Պռոստը հիպնոզացա. Սկանդալային նոր տեսանյութ համացանցում

Համացանցի հայկական տիրույթում այսօր ակտիվորեն տարածվում է մի տեսանյութ, որտեղ մի երիտասարդ, իր այլ երիտասարդների ընկերակցությամբ, ապրիլի 23-ին «Մերսեդեսի» ղեկին հեգնական կեցվածքով բարձր արագությամբ երթևեկում է, հետո որոշում է, որ ժամանակն է «նվաստացնել «Նիսանի»  վարորդին», որի արդյունքում բախվում է ավտոբուսին։ 

Հետո տարածվեց արդեն այս հոլովակը, որտեղ նա, իրենից խիստ գոհ դիտում է իր իսկ մասին ռեպորտաժը, մեկնաբանում այն և ծիծաղում, երբ իրեն անուղեղ են անվանում։ 

Հիշեցնենք, որ քրեական վարույթի նախաքննության ընթացքում պարզվել է, որ Վ.Մ.-ն «Մերսեդես» մակնիշի ավտոմեքենան ՃՏՊ-ի ժամանակ վարել է տրանսպորտային միջոցներ վարելու իրավունքը կասեցված վիճակում, ուստի Երևան քաղաքի քննչական վարչությունում նախաձեռնվել է ևս մեկ քրեական վարույթ՝ Քրեական օրենսգրքի 344-րդ հոդվածի 1-ին մասով (տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոցներ վարելը) և միացվել նախաձեռնված քրեական վարույթին:

Նշանակվել են համապատասխան փորձաքննություններ: