Հայտնի է` ինչ առաջարկով է հանդես եկել Ալիևը

Իտալիայի Նախարարների խորհրդի նախագահ Ջորջա Մելոնիի հետ մամուլի համար արված հայտարարության մեջ Իլհամ Ալիևը նշել է, որ Ադրբեջանում գործող շուրջ 130 իտալական ընկերությունների թիվն ավելացնելու ցանկություն ունի։  

Ըստ Ալիևի՝ օտարերկրյա պետությունների ընկերությունների շարքում Իտալիան առաջատար դիրքեր է զբաղեցնում այդ նախագծերի իրականացման հարցում։

Ադրբեջանի նախագահը խոստումնալից է համարել փոխգործակցության նոր ոլորտը՝ ռազմատեխնիկական համագործակցությունը, որը նույնպես քննարկվել է հանդիպման ընթացքում։

 «Մենք ունենք կոնկրետ գաղափարներ համատեղ նախագծերի իրականացման, համատեղ արտադրության կազմակերպման, իտալական տեխնոլոգիաները ադրբեջանական ֆինանսական միջոցների հետ միավորելու վերաբերյալ։ Այդ մասին նույնպես մանրամասն խոսվել է», - ասել է Ալիևը։