Կանադայի վարչապետն անպատասխան թողեց հայ գերիներին վերադարձնելու հարցը

Կանադայի վարչապետ Մարկ Քարնին Երևանում անպատասխան է թողել Բաքվում պահվող հայ գերիների վերադարձի մասին հարցը:

Երևանում գտնվող Կանադայի վարչապետ Մարկ Քարնին այսօր՝ մայիսի 4-ին, Մարզահամերգային համալիրի մոտ չի պատասխանել NEWS.am-ի հարցին, որը վերաբերում էր հայ գերիների վերադարձին։ Հարկ է նշել, որ Ադրբեջանում պահվող հայ գերիների հարազատները բաց նամակով դիմել էին Հայաստան ժամանած Կանադայի կառավարության ղեկավարին։ Նրանք խնդրել են գործընթացում ներգրավել Պատանդների հարցերով Կանադայի ավագ պաշտոնյային և աջակցել Բաքվում գտնվող անձանց անհապաղ ու անվերապահ ազատ արձակմանն ուղղված ջանքերին։