Զելենսկին Թուրքիան է դիտարկում որպես ՌԴ-ի հետ բանակցությունների վայր. Politico

Ուկրաինայի նախագահ Վլադիմիր Զելենսկին ցանկանում է Ռուսաստանի հետ բանակցությունների հաջորդ փուլն անցկացնել Թուրքիայում։

Զելենսկին մտադիր է Թուրքիան ընտրել որպես Ռուսաստանի հետ բանակցությունների հաջորդ հարթակ, հայտնում է Politico -ն։ Հրապարակման համաձայն՝ Ուկրաինայի նախագահը մեծ զգուշավորություն է ցուցաբերում ԱՄՆ-ի հետագա ներգրավվածության հարցում և այժմ հույս ունի, որ հենց Թուրքիան կդառնա բանակցությունների հաջորդ փուլի անցկացման վայրը։

«Նյու Յորք Թայմս»-ը տեղեկացրել է, որ Զելենսկին խիստ դժգոհ է Միացյալ Նահանգներից, քանի որ նախագահ Դոնալդ Թրամփն աջակցում է Ուկրաինայի հարցով Ռուսաստանի առաջադրած կարգավորման պայմաններին։ Ըստ պարբերականի՝ վերջին շրջանում կիևյան վարչակարգի ղեկավարը հաճախակի է քննադատում Վաշինգտոնին։ Նա իր դժգոհությունն է արտահայտում Ուկրաինայի նկատմամբ անհարգալից վերաբերմունքի և էներգետիկայի ոլորտում պատժամիջոցների թուլացման որոշման վերաբերյալ։

Տարեսկզբից ի վեր Ռուսաստանի և Ուկրաինայի պատվիրակությունները՝ ԱՄՆ-ի մասնակցությամբ, արդեն իրականացրել են բանակցությունների երեք փուլ։ Վերջին հանդիպումը կայացել է փետրվարի 17-18-ը Ժնևում։