Թրամփը մեկնաբանել է Ջեյմս Քոմիի կողմից իրեն սպանելու սպառնալիքը

ԱՄՆ նախագահ Դոնալդ Թրամփը պարզաբանել է, որ «86» թիվը մաֆիոզ տերմինաբանությամբ նշանակում է սպանել։

Լրագրողի հարցին, թե արդյոք նա իրականում կարծում է, որ Հետաքննությունների դաշնային բյուրոյի նախկին տնօրեն Ջեյմս Քոմին սպառնացել է իր կյանքին, Թրամփը պատասխանել է. «86-ը մաֆիոզ տերմին է, որը նշանակում է «սպանել նրանց»»։ Նախկինում ԱՄՆ արդարադատության նախարարությունը տեղեկացրել էր, որ ՀԴԲ նախկին ղեկավար Ջեյմս Քոմիին մեղադրանք է ներկայացվել նախագահ Թրամփի կյանքին սպառնալու համար։ 

Պատճառն անցյալ տարվա մայիսին Ինստագրամում տեղադրված մի լուսանկար է, որտեղ ավազի վրա խեցիներով պատկերված են եղել 86 և 47 թվերը։ Ըստ մեղադրանքի վարկածի՝ ժարգոնային լեզվով 86 թիվը նշանակում է «ազատվել» կամ «հեռացնել», իսկ 47-ը խորհրդանշում է Թրամփի հերթական համարը որպես ԱՄՆ նախագահ։ Քոմին առաջադրված մեղքը չի ընդունում։