Թրամփը մանրամասներ է ներկայացրել իր և Պուտինի զրույցից

ԱՄՆ նախագահ Դոնալդ Թրամփի պնդմամբ՝ Ռուսաստանի նախագահ Վլադիմիր Պուտինը նույնպես դեմ է, որ Իրանը տիրապետի միջուկային զենքի։

ԱՄՆ նախագահը ներկայացրել է նաև այլ մանրամասներ իր հայտարարություններում։ Նա կարծիք է հայտնել, որ Պուտինը կցանկանար գտնել Ուկրաինայի հարցի կարգավորումը, ինչը դրական է համարում։ Ըստ Թրամփի՝ ՌԴ նախագահն իրեն հայտնել է միջուկային հարստացման խնդրին մասնակցելու պատրաստակամության մասին, եթե կարող է օգտակար լինել, սակայն ինքը պատասխանել է, որ կնախընտրեր Պուտինի ներգրավվածությունը Ուկրաինայի հետ պատերազմի դադարեցման գործում։

Բացի այդ, Թրամփը նշել է, որ Պուտինին առաջարկել է յուրատեսակ փոքր զինադադար և ենթադրում է, որ նա կարող է համաձայնել դրան։ Նա նաև հավելել է, որ Ռուսաստանի նախագահը դեռ որոշ ժամանակ առաջ պատրաստ էր գործարքի, սակայն, նրա համոզմամբ, «որոշ մարդիկ» խոչընդոտում էին դրան։