Ռուսաստանի ՊՆ-ն փոխել է մայիսի 9–ի շքերթի կարգը

Ռուսաստանի Դաշնության պաշտպանական գերատեսչության պաշտոնական տեղեկատվության համաձայն՝ Մոսկվայի Կարմիր հրապարակում կայանալիք մայիսի 9-ի տոնական միջոցառմանը չեն ներգրավվի ռազմական տեխնիկայի շարասյուներ և ռազմական կուրսանտներ։ Նման որոշման պատճառը, ըստ նախարարության հաղորդագրության, պայմանավորված է «ընթացիկ օպերատիվ իրավիճակով»։

Գերատեսչությունը նշում է, որ ոտքով շարասյուների կազմում հանդես կգան բոլոր տեսակի ու առանձին զորատեսակների բարձրագույն ռազմական ուսումնական հաստատությունների ներկայացուցիչները։ Միևնույն ժամանակ, այս տարի շքերթից դուրս են մնացել Սուվորովի և Նախիմովի անվան ուսումնարանների սաները, ինչպես նաև կադետական կորպուսների ներկայացուցիչները։

Սա 2022 թվականին Ուկրաինա Ռուսաստանի ներխուժման մեկնարկից ի վեր առաջին դեպքն է, երբ ռազմական տեխնիկան չի մասնակցի Կարմիր հրապարակի շքերթին։ Թե հատկապես ինչ գործոններ են ազդել այս որոշման վրա, զինվորականները չեն մանրամասնել։

Փոխարենը, 2026 թվականի մայիսի 9-ի միջոցառման ավիացիոն բաղադրիչը ուժի մեջ է։ ՊՆ հաղորդմամբ՝ երկնքում հանդես կգան ռուսական ավիացիոն հնարքների խմբերը, իսկ Սու-25 գրոհիչները շքերթի ավարտին Մոսկվայի երկինքը կպատեն Ռուսաստանի դրոշի գույներով։ Նշվում է, որ նախորդ տարիներին ավիացիոն մասը հաճախ չեղարկվում էր եղանակային պայմանների պատճառով, իսկ կայացած թռիչքների ժամանակ օդանավերի քանակն ավելի մեծ էր, քան նախատեսված է 2026 թվականի համար։