Փաշինյանի այդքան սիրած ՀԷՑ-ը ես եմ վերադարձրել Հայաստանին. Սամվել Կարապետյան

«Ուժեղ Հայաստան» կուսակցության ղեկավար Սամվել Կարապետյանը լրագրողների հետ զրույցում վստահություն է հայտնել իրենց քաղաքական ուժի բացարձակ հաղթանակի վերաբերյալ։

Մենք գնում ենք բացարձակ հաղթանակի։ Քանի որ մենք համոզված ենք մեր հաջողության մեջ, Գագիկ Ծառուկյանի և Ռոբերտ Քոչարյանի՝ հաղթող ուժին սատարելու մասին օրեր առաջ արված հայտարարությունները վերաբերում էին հենց մեզ, նշել է «Ուժեղ Հայաստան» կուսակցության առաջնորդ Սամվել Կարապետյանը։

Նա նաև ընդգծել է իր դերակատարումը երկրի համար կարևոր ենթակառուցվածքների հարցում. «Ես այն մարդն եմ, ով Հայաստան է վերադարձրել հիմնական ստրատեգիական ակտիվները Ռուսաստանից։ Փաշինյանի այդքան սիրած ՀԷՑ-ը ես եմ վերադարձրել Հայաստանին, Հրազդանի ՋԷԿ-ը ես վերադարձրել եմ Հայաստանին, Սևան-Հրազդան կասկադը ես վերադարձրել եմ Հայաստանին, հիմա էլ ես եմ վերադառնում Հայաստան»։