Նոր դաշինք. «Ուժեղ Հայաստանը» և «ՀայաՔվեն» կհամագործակցեն

Ապրիլի 29-ին «Ուժեղ Հայաստան» կուսակցության առաջնորդ Սամվել Կարապետյանը հանդիպել է «ՀայաՔվե» ազգային քաղաքացիական միավորման անդամների հետ։

«Ուժեղ Հայաստան» կուսակցության նախագահ Սամվել Կարապետյանը հյուրընկալել է «ՀայաՔվե» նախաձեռնության ներկայացուցիչներին, որին մասնակցել են նաև «Ուժեղ Հայաստան» դաշինքի և «Ապրելու երկիր» կուսակցության ղեկավար անդամները։

Հանդիպման շրջանակում, Սամվել Կարապետյանի մասնակցությամբ, «Ուժեղ Հայաստան» դաշինքի համակարգող Նարեկ Կարապետյանը և «ՀայաՔվե» միավորման ղեկավար Ավետիք Չալաբյանը կնքել են համագործակցության հուշագիր։ Կողմերը պարտավորվել են մեկտեղել ուժերը՝ 2026 թվականի հունիսի 7-ին կայանալիք խորհրդարանական ընտրությունների միջոցով գործող իշխանություններին հեռացնելու և ազգային նոր կառավարություն ստեղծելու համար։

Այս նպատակին հասնելու համար «Ուժեղ Հայաստան» դաշինքը և «ՀայաՔվե»-ն պայմանավորվել են համատեղ անցկացնել նախընտրական քարոզչությունը՝ հիմնվելով քաղաքական ծրագրերի համադրման վրա, ինչպես նաև միասնաբար վերահսկել ընտրությունների օրինականությունը։