ՏԵՍԱՆՅՈՒԹ. Հինգ հարց Սամվել Կարապետյանին. ի՞նչ կանի նա 1 դրամ աշխատավարձով

«Ուժեղ Հայաստան» կուսակցության առաջնորդ Սամվել Կարապետյանը հայտարարել է, որ գործող իշխանության օրոք բոլոր հայրենասերները թիրախավորվելու են, քանի որ կատարվում են Ալիևի պահանջները։

Ըստ Սամվել Կարապետյանի՝ Հայաստանի իշխանությունը կատարում է այն, ինչ Ադրբեջանն ու Ալիևը չկարողացան անել 30 տարվա ընթացքում, սակայն իրենց հաղթանակից հետո հերոսները վերստին դառնալու են հերոս։ Անդրադառնալով վարչապետ դառնալու դեպքում 1 դրամ աշխատավարձ ստանալու վերաբերյալ կուսակցության հայտարարությանը՝ նա նշել է, որ քանի որ Նիկոլ Փաշինյանը հունիսի 7-ից հետո պարգևավճարներ ստանալու հնարավորություն չի ունենա, ինքը կառաջարկի «Վարչաբենդին» շարունակել գործունեությունը և ամեն ամիս 1 դրամ կփոխանցի նրանց։

Կարապետյանը համոզմունք է հայտնել, որ ներկա իշխանավորների համար նախընտրելի է աղքատ հասարակությունը, քանի որ նրանք չեն ընդունում նորմալ ապրող մարդկանց և կարողանում են կառավարել միայն աղքատներին՝ թոշակը 10,000 դրամով բարձրացնելով թելադրել սեփական ոչ հայրենանվեր խոսույթը։

Խոսելով Փաշինյանին և Ալիևին խաղաղության մրցանակ հանձնելու մասին՝ նա այն որակել է որպես դրսից կառավարման ձև և թաքնված կաշառք։ Ըստ նրա՝ քանի որ վարչապետը երկրի ներսում որևէ մրցանակ ստանալ չի կարող, նման ձևով նրան թելադրում են պայմաններ՝ օգտագործելով իր թույլ կողմերը։