Հայաստանն ու Ադրբեջանը` աշխարհում ամենաբարձր ռազմական ծանրաբեռնվածություն ունեցող երկրների տասնյակում

Ադրբեջանը և Հայաստանը հայտնվել են աշխարհում ամենաբարձր ռազմական ծանրաբեռնվածություն ունեցող երկրների տասնյակում. SIPRI-ի զեկույցը

Փորձագետների տվյալների համաձայն՝ Հարավային Կովկասի երկու երկրներում ռազմական ծախսերի մասնաբաժինը համախառն ներքին արդյունքում (ՀՆԱ) զգալիորեն գերազանցում է համաշխարհային միջին ցուցանիշը, որը 2025 թվականին կազմել է 2,5%:

Ռազմական ծախսերի ինտենսիվության համաշխարհային վարկանիշում Ադրբեջանը զբաղեցրել է 6-րդ հորիզոնականն աշխարհում։ Հանրապետության պաշտպանական ծախսերի մասնաբաժինը կազմել է ՀՆԱ-ի 6,5%-ը։ Նրան հաջորդում է Հայաստանը, որը համաշխարհային ցուցակում զբաղեցրել է 7-րդ հորիզոնականը՝ ՀՆԱ-ի 6,1% ցուցանիշով։

SIPRI-ի վերլուծաբանները նշում են, որ Ադրբեջանը հայտնվել է նաև տարվա ընթացքում ռազմական բեռնվածության առավել զգալի աճ գրանցած երկրների շարքում՝ ավելացնելով այդ ցուցանիշը 1,4 տոկոսային կետով։

Համաշխարհային համատեքստում նշվում է, որ Հարավային Կովկասը ցուցադրում է տնտեսության միլիտարիզացիայի այնպիսի մակարդակ, որը համադրելի է ակտիվ հակամարտությունների գոտիների և ավանդաբար բարձր պաշտպանական բյուջեներ ունեցող տարածաշրջանների հետ։ Համեմատության համար՝ 2025 թվականին ամենաբարձր ռազմական բեռնվածություն ունեցող երկրների առաջին հնգյակն ունի հետևյալ տեսքը. Ուկրաինա՝ 40%, Ալժիր՝ 8,8%, Իսրայել՝ 7,8%, Ռուսաստան՝ 7,5%, Սաուդյան Արաբիա՝ 6,5%: