15:00 Լուրերը մեկ տողով. Բախումներ դատարանի բակում. կան բերման ենթարկվածներ, 4 միլիարդ դրամ գրավ, Բաքվի նոր հայտարարությունը

Անցած ժամվա լուրերը՝ հակիրճ և բովանդակային.

·  Սամվել Կարապետյանի դատավարությանն ուղեկցող ակցիայի ժամանակ 17 քաղաքացի է ձերբակալվել, իսկ դատարանը կիրառել է 4 միլիարդ դրամի աննախադեպ գրավ։

·  Վարչապետ Նիկոլ Փաշինյանը խորհրդարանում քննադատել է ընդդիմությանը և 2026 թվականի ընտրությունները համարել «նախկինների» քաղաքական վերջնակետը։

·  Գործադիրի ղեկավարը հրապարակել է սահմանային զոհերի պատմական վիճակագրությունը և ազդարարել ապօրինի գույքի բռնագանձման անդառնալի գործընթացի մասին։

·  ՊԵԿ-ը հրապարակել է Ադրբեջանի տարածքով Ռուսաստանից և Ղազախստանից Հայաստան ներկրված բեռների ու ադրբեջանական վառելիքի առաջին տվյալները։

·  Բաքուն հայտարարել է ղարաբաղյան հակամարտության անցյալում մնալու և Հայաստանի հետ հարաբերությունների կարգավորման պատրաստակամության մասին։

·  Սիրիայի նախագահը հայտնել է Իսրայելի հետ անվտանգության համաձայնագրի շուրջ ընթացող դժվարին, բայց շարունակական բանակցությունների մասին։