Թրամփը` Հիսուս Քրիստոսի կերպարով

ԱՄՆ նախագահը դժգոհություն է հայտնել Լևոն XIV-ի վարած քաղաքականությունից և հրապարակել սեփական պատկերը՝ Հիսուս Քրիստոսի կերպարով։

ԱՄՆ  նախագահ Դոնալդ Թրամփը սոցիալական ցանցերի իր էջերում կոշտ քննադատության է ենթարկել Հռոմի պապ Լևոն XIV-ին՝ մեղադրելով նրան հանցավորության դեմ պայքարում թուլություն դրսևորելու և արտաքին քաղաքական սխալների մեջ։ Քաղաքական գործիչն ընդգծել է, որ համաձայն չէ Վատիկանի դիրքորոշման հետ մի շարք առանցքային հարցերում, այդ թվում՝ Իրանի միջուկային ծրագրի և Վենեսուելայի նկատմամբ ԱՄՆ-ի գործողությունների վերաբերյալ։

Թրամփի խոսքով՝ Պապը չպետք է քննադատի Միացյալ Նահանգների նախագահին իր ընտրական խոստումներն իրականացնելու համար։ Նա նաև կարծիք է հայտնել, թե Լևոն XIV-ը Հռոմի պապ է դարձել միայն իր շնորհիվ՝ նշելով, որ եթե ինքը չլիներ Սպիտակ տանը, ապա ներկայիս քահանայապետը չէր լինի Վատիկանում։ Թրամփն իր գրառման մեջ շեշտել է նաև Պապի ամերիկյան ծագման գործոնը։

Քննադատական գրառմանը կից Դոնալդ Թրամփը հրապարակել է արհեստական բանականության միջոցով ստեղծված մի լուսանկար, որտեղ նա ներկայացված է Հիսուս Քրիստոսի կերպարով։ Պատկերում նախկին նախագահը պատկերված է լուսարձակող ափերով՝ բժշկելիս հիվանդանոցային մահճակալին պառկած տղամարդուն։ Այս հրապարակումը մեծ արձագանք է գտել սոցիալական հարթակներում՝ առաջացնելով տարբեր մեկնաբանություններ։