Իրանի ԱԳՆ-ն՝ Նախիջևանի ուղղությամբ արձակված ԱԹՍ-ի մասին

Իրանի արտաքին գործերի նախարարության խոսնակ Էսմայիլ Բաղային հայտարարել է, որ Իրանից Նախիջևանի ուղղությամբ անօդաչու թռչող սարքի հարձակման հարցով արդեն անցկացվել են բանակցություններ։ Նրա խոսքով՝ թեման քննարկվել է երկու երկրների ղեկավարների և արտաքին գործերի նախարարների մակարդակով։

Բաղային  նշել է, որ տեղի ունեցած քննարկումներն, իր գնահատմամբ, նպաստել են կողմերի միջև եղած թյուրըմբռնումների վերացմանը։

Իրանի ԱԳՆ պաշտոնական ներկայացուցիչը չի ներկայացրել հավելյալ մանրամասներ բանակցությունների բովանդակության կամ դրանց արդյունքների վերաբերյալ։ Միևնույն ժամանակ, նրա հայտարարությունից հետևում է, որ հարցը քննարկվել է բարձր մակարդակով քաղաքական և դիվանագիտական շփումների շրջանակում։

Հավելենք՝ Թուրքիան ևս այս հարցում Իրանից պահանջում է արդար փորձաքննություն։