Իրանը կպատասխանի իր ենթակառուցվածքների վրա հարձակումներին. Արաղչի

Իրանի արտաքին գործերի նախարար Աբբաս Արաղչին հայտարարել է, որ ԱՄՆ-ի կողմից Իրանի էներգետիկ օբյեկտներին հարվածելու սպառնալիքները կարող են դիտարկվել որպես ռազմական հանցագործությունների ընդունում։ Այդ մասին հաղորդվում է Իրանի ԱԳՆ-ի հրապարակման մեջ։

«Իրանը կպատասխանի իր ենթակառուցվածքների վրա հարձակումներին, մենք կուղղենք ԱՄՆ-ին պատկանող կամ դրա հետ կապված նմանատիպ ենթակառուցվածքներին»,- ասել է Իրանի ԱԳՆ խոսնակը:

Արաղչին այս գնահատականը ներկայացրել է Ռուսաստանի արտաքին գործերի նախարար Սերգեյ Լավրովի հետ ունեցած զրույցի ընթացքում՝ ընդգծելով, որ նման հայտարարությունները վկայում են միջազգային իրավունքի խախտումների մասին։

Իրանի ԱԳ նախարարը նաև նշել է, որ ռազմական գործողությունների ընթացքում ԱՄՆ-ն հարվածներ է հասցրել երկրի արդյունաբերական և էներգետիկ ենթակառուցվածքներին, ինչպես նաև կրթական, բժշկական և միջուկային օբյեկտներին։

Նրա խոսքով՝ ՄԱԿ-ի Անվտանգության խորհուրդը և Միջազգային ատոմային էներգիայի գործակալությունը պետք է անհապաղ դատապարտեն ԱՄՆ գործողություններն Իրանի դեմ։ Միաժամանակ ներկայացված պնդումները չեն ուղեկցվել անկախ հաստատմամբ։