Զանգվածային խափանումներ ռուսական որոշ բանկերում

Ռուսական մի շարք բանկերում արձանագրվել են խափանումներ, որոնք ազդել են վճարումների և առցանց ծառայությունների վրա։

«Սբերբանկից» հետո խափանումներ են արձանագրվել նաև «ՎՏԲ»-ի, «Տ-Բանկի» (նախկին Տինկոֆ) և «Օզոն Բանկի» աշխատանքներում։

Օգտատերերը հայտնում են վճարումների, փոխանցումների և առցանց բանկինգի հասանելիության խնդիրների մասին։ «Սբերբանկի» դեպքում չեն գործում նաև բանկոմատները, իսկ մյուս բանկերի վերաբերյալ դեռևս տեղեկություններ չկան։

Հաճախորդները հայտնում են, որ չեն կարողանում վճարումներ կատարել ոչ քարտով, ոչ էլ QR կոդով։ Օգտատերերի մի մասի մոտ չի գործում նաև առցանց բանկինգի հավելվածը։

VTB Հայաստան բանկի տեղեկատվական բաժնից Auroranews-ին հայտնեցին, որ այս պահին Հայաստանում խնդիրներ չկան։