Ռոնալդուն կմասնակցի ֆուտբոլի աշխարհի առաջնությանը

Պորտուգալիայի հավաքականի և Սաուդյան Արաբիայի «Ալ Նասրի» 41-ամյա հարձակվող Կրիշտիանու Ռոնալդուն լիովին վերականգնվել է ազդրի վնասվածքից հետո և պատրաստ է ազգային թիմի կազմում մասնակցել հունիս-հուլիսին ԱՄՆ-ում, Մեքսիկայում և Կանադայում անցկացվելիք աշխարհի առաջնությանը, հաղորդում են Marca-ից։

Պորտուգալացին վնասվածք էր ստացել փետրվարի 28-ին Սաուդյան Արաբիայի լիգայի «Ալ-Ֆեյհայի» դեմ խաղում, որն ավարտվել էր 3-1 հաշվով։ Նա խաղի վերջում ստիպված էր եղել լքել դաշտը։

Վնասվածքի պատճառով նա բաց էր թողել «Ալ-Նասրի» լիգայի մի քանի հանդիպումներ, ինչպես նաև անցած ամիս դուրս էր մնացել Պորտուգալիայի հավաքականի հայտացուցակից՝ Մեքսիկայի և ԱՄՆ-ի դեմ ընկերական խաղերի համար։

Այժմ Ռոնալդուն պատրաստ է ոչ միայն օգնել «Ալ-Նասրին» տիտղոսի համար պայքարում, այլև մասնակցել 2026 թվականի աշխարհի առաջնությանը, որը կանցկացվի ԱՄՆ-ում, Կանադայում և Մեքսիկայում։ Պորտուգալիայի հավաքականը K խմբում է, որտեղ նրա մրցակիցներն են Կոնգոյի Դեմոկրատական Հանրապետությունը, Ուզբեկստանը և Կոլումբիան։

Այս մրցաշրջանում Ռոնալդուն Սաուդյան Արաբիայի Պրոֆեսիոնալ լիգայի 22 խաղում խփել է 21 գոլ։ Իր կարիերայի ընթացքում նա խփել է 965 գոլ։