Իրանը բացահայտ ծաղրել է ԱՄՆ-ին. մանրամասներ

Իրանի խորհրդարանի խոսնակը քննադատել է ԱՄՆ-ի ռազմավարությունը՝ մեկնաբանելով իրանական տարածքում ամերիկյան F-15 կործանիչի խոցման հետևանքով ստեղծված իրավիճակը։ Նա հայտարարել է, որ Վաշինգտոնի հայտարարությունները փոխվել են՝ կոշտ հռետորաբանությունից անցնելով կորած օդաչուների որոնման փուլին։

Խոսնակը նշել է, որ սկզբում հնչում էին հայտարարություններ Իրանում գործող իշխանությունների դեմ, սակայն հետագայում առաջնահերթ է դարձել ամերիկացի օդաչուների որոնումն ու փրկությունը։ 

Ավելի վաղ հաղորդվել էր, որ ԱՄՆ-ը սկսել է որոնողափրկարարական գործողություն այն բանից հետո, երբ Իրանի տարածքում խոցվել էր ամերիկյան ռազմական ինքնաթիռ։ Դեպքի մանրամասները պաշտոնապես չեն բացահայտվել։