Պատերազմը լուծում չէ. Մակրոն

Ֆրանսիայի նախագահ Էմանուել Մակրոնը Հարավային Կորեա կատարած այցի ընթացքում անդրադարձել է Իրանի շուրջ վերջին զարգացումներին և Հորմուզի նեղուցում ստեղծված իրավիճակին։

Նա հայտարարել է, որ ԱՄՆ-ի և Իսրայելի հարվածները Իրանի դեմ չեն կարող լուծել երկրի միջուկային ծրագրի հարցը՝ փոխարենը շեշտելով դիվանագիտական ճանապարհի անհրաժեշտությունը։

«Եթե չլինի դիվանագիտական և տեխնիկական բանակցությունների հստակ շրջանակ, իրավիճակը կարող է կրկին սրվել մի քանի ամիս կամ մի քանի տարի անց», - ասել է Մակրոնը։

Ֆրանսիայի նախագահը նաև անիրատեսական է գնահատել Հորմուզի նեղուցը ռազմական ճանապարհով բացելու առաջարկը։

«Դա կպահանջի անհամաչափ երկար ժամանակ և լուրջ վտանգների կենթարկի յուրաքանչյուրին, ով կփորձի անցնել նեղուցով։ Ափամերձ գոտիներում առկա են Հեղափոխական գվարդիայի սպառնալիքները, որոնք ունեն զգալի ռեսուրսներ, ինչպես նաև բալիստիկ հրթիռներ և բազմաթիվ այլ ռիսկեր», - նշել է նա։