12:00 Լուրերը մեկ տողով. Լռություն աղմկոտ թեմաների շուրջ, ձերբակալություններ առանց փաստաբանների

Անցած ժամվա լուրերը՝ հակիրճ և բովանդակային.

 . ԱԺ նախագահը մեղադրել է հանրային և լրագրողական շրջանակներին՝ կարևոր քաղաքական ու քրեական թեմաների շուրջ լռելու համար։ 

. Եկեղեցու միջադեպի գործով ձերբակալվածները պահվում են քննչականում՝ առանց փաստաբանների, ինչի կապակցությամբ պահանջվում է ՄԻՊ միջամտություն։ 

. Համաշխարհային բանկը և ՕՊԵԿ հիմնադրամը Հայաստանին կհատկացնեն շուրջ 290 մլն դոլար՝ տնտեսական բարեփոխումների աջակցության համար։ 

. ՍԱՏՄ-ն ձվի շուկայում հայտնաբերել է խախտում մեկ արտադրողում և արգելել է տվյալ խմբաքանակի իրացումը։ 

. Ամերիկյան օդադեսանտային ուժեր են տեղակայվել Մերձավոր Արևելքում՝ Իրանի շուրջ աճող լարվածության ֆոնին։ 

. Իրանը հայտարարել է ԱՄՆ-ի և Իսրայելի հետ կապված թիրախների դեմ հարվածների մասին Պարսից ծոցում և տարածաշրջանում։ 

. Հունգարիայի ԱԳ նախարարը ռուս կողմի հետ քննարկել է ԵՄ պատժամիջոցների մեղմումը և փոխանցել ներքին քննարկումների տեղեկություններ։