Թեհրանը սպասում է Վաշինգտոնի պատասխանին․ Tasnim

Իրանը հայտարարել է, որ ԱՄՆ-ի առաջարկներին իր պաշտոնական պատասխանը փոխանցվել է, և այժմ Թեհրանը սպասում է Վաշինգտոնի արձագանքին։ Այդ մասին տեղեկացրել է Tasnim գործակալությունը։

Թեհրանի ներկայացրած պայմանների թվում են հարձակումների և սպանությունների դադարեցումը, ինչպես նաև երաշխիքներ, որ պատերազմը չի վերսկսվի։ Իրանական կողմը նաև պահանջում է վնասների ամբողջական փոխհատուցում և մարտական գործողությունների դադարեցում՝ տարածաշրջանում դաշնակից խմբավորումների ներգրավմամբ։

Միաժամանակ Իրանը վերահաստատել է, որ Հորմուզի նեղուցի նկատմամբ վերահսկողությունն իր «բնական և օրինական իրավունքն» է։ Այդ հարցը Թեհրանը դիտարկում է որպես իր առանցքային դիրքորոշումներից մեկը։

Իրանական կողմը նաև հայտարարել է, որ չի վստահում ԱՄՆ-ի հետ բանակցություններին։ Թեհրանի գնահատմամբ՝ այդ գործընթացը կարող է օգտագործվել խաղաղ կարգավորման տպավորություն ստեղծելու, նավթի գները ցածր պահելու և հնարավոր նոր ռազմական գործողությունների համար ժամանակ շահելու նպատակով։